என்ன நியாயம்?

 

அவனை எனக்கு அதிகமாகவே பிடிக்கும்

என்று அறிந்தும் , தெரிந்தும்

நான் ஆழ்ந்த உறக்கத்தில்

இருந்த போது வந்து

எனக்கே தெரியாமல் சென்றதன்

இரகசியம் தான் என்ன?

நான் விழித்திருக்கும் போது

வந்திருந்தால்

அவனை மனதார இரசித்து,

அவனுடன் கொஞ்சி விளையாடி

மகிழ்ந்திருப்பேன் அல்லவா?

காலை எழுந்ததும்

அவன் வந்து சென்ற அடையாளம்

கண்டு மனம் உடைந்து விட்டேன்!!!

ஏன் இந்த கோவம்?

தயவு செய்து மீண்டும் வந்து விடு;

மழையே!!!!!!!!

உன்னை காணும் ஆவலுடன்

இன்னவள்

நேசத்தின்_இளவரசி ஹஸ்ஸானா